Fake News: केवळ मोदीच देशाचा विकास करू शकतात अशी बीबीसीचे पत्रकार मार्क टुली यांनी स्तुती केली का?

“पंतप्रधान नरेंद्र मोदींनी देशात काँग्रेस ने उभे केलेल्या सर्व विषारी सापांना संपवण्याचे काम सुरू केले आहे. या कामी हिंदूंनी त्यांना साथ द्यावी”, असे बीबीसीचे पत्रकार मार्ट टुली यांनी कथितरीत्या एका लेखात म्हटल्याचा मेसेज व्हायरल होत आहे. 

फॅक्ट क्रेसेंडोच्या वाचकांनी हा मेसेज आमच्या व्हॉटसअॅप फॅक्टलाईन क्रमांकवर (9049053770) पाठवून फॅक्ट चेक करण्याची विनंती केली.

पडताळणीअंती कळाले की, मार्क टुली यांनी असा कोणताही लेख किंवा विधान केलेले नाही. त्यांच्या नावे बनावट मेसेज शेअर केला जात आहे. 

काय आहे दाव्यात?

सोशल मीडियावरील व्हायरल मेसेज आपण खाली दिलेल्या स्क्रीनशॉचमध्ये वाचू शकता.

मूळ पोस्ट – फेसबुक । फेसबुक

तथ्य पडताळणी

मार्क टुली यांच्य ब्लॉग वेबसाईटवर असा कोणताही लेख आढळला नाही ज्यामध्ये त्यांनी व्हायरल मेसेजमध्ये लिहिलेले विधान आहे. 

अधिक सर्च केल्यावर बँगलोर मिरर वेबसाईटवर 2016 मधील एक बातमी आढळली. यात म्हटले आहे की, नरेंद्र मोदींची स्तुती करणारा लेख मार्क टुली यांनी लिहिलेला नाही. 

मूळ बातमी – बँगलोर मिरर

मार्क टुली यांनी स्वतः हिंदुस्थान टाईम्स वर्तमानपत्रात त्यांच्या नावावर व्हायरल होत असलेल्या फेक मेसेजचे खंडन केले होते. त्यांनी म्हटले की, माझ्या नावाने भाजपच्या समर्थनात आणि काँग्रेसच्य विरोधातील व्हायरल मेसेज फेक आहेत. याविषयी मला अनेकांकडून विचारणा झाली. मी स्पष्ट करू इच्छितो की, मोदींची स्तुती करणारा तो मेसेज लिहिलेला नाही.  

मूळ बातमी – हिंदुस्थान टाईम्स

विशेष म्हणजे 2016 साली हे मेसेज व्हायरल झाल्यावर भाजपा नेते व्यंकैया नायडू यांनी स्वतः मार्क टुली यांना याबाबत विचारले होते. त्यांनादेखील टुली यांनी ही फेक न्यूज असल्याचे सांगितले होते. 

निष्कर्ष

यावरून स्पष्ट होते की, मार्क टुली यांच्या नावाने फेक मेसेज व्हायरल होत आहे. मोदींची स्तुती करणारा तो लेख त्यांनी लिहिलेला नाही. 

(तुमच्याकडेदेखील सोशल मीडियाच्या माध्यमातून संशयास्पद मेसेज, पोस्ट, फोटो, व्हिडिओ किंवा बातम्या असतील तर त्यांची सत्यता जाणून घेण्यासाठी त्या आमच्या व्हॉटसअॅप फॅक्टलाईन क्रमांकवर (9049053770)  पाठवा. आमचे लेटेस्ट फॅक्ट-चेक वाचण्यासाठी फॅक्ट क्रेसेंडोला फेसबुक, इन्स्टाग्राम व ट्विटर वर फॉलो करा.)