Fact : ICICI बँकेच्या शुन्य शिल्लक खातेदारांना प्रत्येक व्यवहारासाठी द्यावे लागणार अधिक शुल्क

ICICI बँकेच्या खातेदारांचे अभिनंदन, 16 ऑक्टोबर पासून प्रत्येक व्यवहाराला 125 रुपये चार्ज अशी माहिती रफीक शेख यांनी फेसबुकवर पोस्ट केली आहे. फॅक्ट क्रेसेंडोने या पोस्टची तथ्य पडताळणी केली आहे. 

फेसबुक / Archive 

तथ्य पडताळणी

आयसीआयसीआय बँकेच्या खातेदारांना खातेदारांना प्रत्येक व्यवहाराला 125 रुपये शुल्क द्यावे लागणार आहे का, याची माहिती घेण्यासाठी आम्ही शोध घेतला असता आम्हाला द टाईम्स ऑफ इंडियाने 15 सप्टेंबर 2019 रोजी दिलेले एक वृत्त आम्हाला दिसून आले. या वृत्तात आयसीआयसीआय बँकेच्या शुन्य शिल्लक खातेदारांना रक्कम काढण्यासाठी 100 ते 125 शुल्क द्यावे लागणार असल्याचे म्हटले आहे. हा निर्णय 16 ऑक्टोबरपासून लागू करण्यात येणार असल्याचेही या वृत्तात स्पष्ट करण्यात आले आहे. हा निर्णय मोबाईल आणि इंटरनेट बँकिंग निफ्ट, आरटीजीएस आणि युपीआय व्यवहारांना लागु राहणार नाही. ऑनलाईन व्यवहारांना गती देण्यासाठी हा निर्णय घेतल्याचे आपल्या प्रसिध्दीपत्रकात म्हटल्याचे या वृत्तात स्पष्टपणे नमूद करण्यात आले आहे. 

द टाईम्स ऑफ इंडिया / Archive

आयसीआयसीआय बँकेने याबाबत नेमके काय म्हटले आहे हे जाणून घेण्यासाठी आम्ही बँकेच्या संकेतस्थळास भेट दिली. त्यावेळी आम्हाला या संकेतस्थळावर खालील माहिती दिसून आली. यात स्पष्टपणे शुन्य शिल्लक बचत खात्यांना हा निर्णय लागू करण्यात आल्याचे दिसून आले. पहिल्या दोन व्यवहारांसाठी हे शुल्क शंभर रुपये तर त्यानंतरच्या व्यवहारासाठी हे शुल्क 125 असणार असल्याचे यात स्पष्टपणे नमूद करण्यात आले आहे.

आयसीआयसीआय बँकेचे संकेतस्थळ / Archive 

आयसीआयसीआय बँकेचे संकेतस्थळ / Archive

किमान शिल्लक रक्कम न राखणाऱ्या खातेदारांनाही ही निर्णय लागू असणार असल्याचेही बँकेने स्पष्ट केले आहे. 

आयसीआयसीआय बँकेचे संकेतस्थळ / Archive  

निष्कर्ष 

आयसीआयसीआय बँकेने प्रत्येक व्यवहारासाठी 125 रुपये इतके शुल्क लागु केलेले नाही. बँकेने शुन्य शिल्लक असलेल्या खात्यांसाठी आणि किमान शिल्लक न राखणाऱ्या खात्यांसाठी अधिक शुल्क लागु केलेले आहे. त्यामुळे फॅक्ट क्रेसेंडोच्या पडताळणीत ही पोस्ट संमिश्र स्वरुपाची आढळली आहे.