व्होडाफोन ही दुरसंचार सेवा पुरवणारी कंपनी बंद होणार असल्याची माहिती
Maharashtra Today ने आपल्या फेसबुक पेजवर पोस्ट केली आहे.
फेसबुकवरील मुळ पोस्ट / महाराष्ट टुडेचे संग्रहित केलेले वृत्त / Archive
लोकमत या महाराष्ट्रातील अग्रगण्य वृत्तपत्राच्या फेसबुक पेजवरही अशा स्वरुपाची पोस्ट दिसून येते.
फेसबुकवरील मुळ पोस्ट / Archive / लोकमतचे संग्रहित केलेले वृत्त
तथ्य पडताळणी
व्होडाफोन भारतात आपली सेवा बंद करणार असल्याचे वृत्त विविध माध्यम संस्थांनी आयएएनएस या वृत्तसंस्थेच्या हवाल्याने दिल्याचे आम्हाला दिसून आले.
लोकसत्ताच्या संकेतस्थळाने याबाबत दिलेल्या वृत्तात कंपनीने याबाबत कोणताही अधिकृत माहिती दिली नसल्याचे 1 नोव्हेंबर 2019 रोजी स्पष्टपणे म्हटले आहे. हे वृत्त प्रसिध्द होताच व्होडाफोनने विविध प्रसारमाध्यमांना पत्र पाठवत आपण भारतातील आपला व्यवसाय बंद करणार नसल्याचे स्पष्ट केले. हे पत्र आपण खाली पाहू शकता.
विविध प्रसारमाध्यमांनीही याबाबतचे वृत्त प्रसिध्द केले आहे. दैनिक लोकसत्ताच्या संकेतस्थळानेही हा खुलासा करणारे वृत्त प्रसिध्द केले आहे.
या संशोधनातून ही बाब स्पष्ट होत आहे की, व्होडाफोन इंडियाने आपण भारतातून आपला व्यवसाय बंद करणार असल्याचे स्पष्टपणे नाकारले आहे.
निष्कर्ष
व्होडाफोन इंडियाने आपण भारतातून आपला व्यवसाय बंद करणार असल्याचे स्पष्टपणे नाकारले आहे. त्यामुळे फॅक्ट क्रेसेंडोच्या पडताळणीत ही पोस्ट असत्य आढळली आहे.
