म्यानमारमधील भूकंपाचा जुना व्हिडिओ रशियातील म्हणून व्हायरल 

रशियामध्ये 30 जुलै रोजी 8.8 रिश्टर स्केलचा मोठा भूकंप आला. या पार्श्वभूमीवर एक व्हिडिओ व्हायरल होत आहे. ज्यामध्ये भूकंपामुळे एका दुकानचे नुकसान झालेले दिसते. दावा केला जात आहे की, हा व्हिडिओ रशियामधील भूकंपाचा आहे.

फॅक्ट क्रेसेंडोच्या वाचकांनी हा व्हिडिओ आमच्या व्हॉटसअॅप फॅक्टलाईन क्रमांकवर (9049053770) पाठवून फॅक्ट-चेक करण्याची विनंती केली.

पडताळणीअंती कळाले की, व्हायरल व्हिडिओ रशियातील नसून, म्यानमारमध्ये चार महिन्यांपूर्वी आलेल्या भूकंपाचा आहे. 

काय आहे दावा ? 

व्हायरल व्हिडिओमध्ये एक महिला मोबाईलच्या दुकानात खुर्चीवर बसली असते, पुढे भूकंप झाल्यावर महिला सुरक्षेसाठी डेस्क खाली वाकते आणि तिच्या शेजारी असलेले शेल्फ एकामागून एक खाली पडतात.

युजर्स हा व्हिडिओ शेअर करताना कॅप्शनमध्ये लिहितात की, “रशियात 8.7 तीव्रतेचा जबरदस्त भूकंप!”

मूळ पोस्ट – फेसबुक | आर्काइव्ह

तथ्य पडताळणी

रिव्हर्स इमेज सर्च केल्यावर कळाले की, व्हायरल व्हिडिओ रशियातील भूकंपाचा नाही.

डेली मेल न्यूजने हाच व्हिडिओ 31 मार्च 2025 रोजी युट्यूबवर शेअर केला होता. कॅप्शनमध्ये लिहिले होते की, “म्यानमारमधील भूकंपाचा भयानक क्षण.”

तसेच डिसक्रिप्शनमध्ये म्हटले आहे की, “म्यानमारमधील 7.7 रिश्टर स्केलचा भूकंप झाला तेव्हा एका इलेक्ट्रॉनिक्स दुकानातील शेल्फ कोसळत असतानाचे सीसीटीव्ही फुटेज.”

म्यानमार भूकंप

म्यानमारमध्ये 28 मार्च 2025 रोजी सागिंग प्रदेशात 7.7 तीव्रतेचा भूकंप झाला होता. या भूकंपाचे केंद्र म्यानमारमधील दुसऱ्या क्रमांकाचे सर्वात मोठे शहर मंडालेजवळ होते.

1912 नंतर म्यानमारमध्ये आलेला हा सर्वात शक्तिशाली भूकंप होता, ज्यामध्ये 2000 हून अधिक लोकांचा मृत्यु तर 4000 हून अधिक जण जखमी झाले. या भूकंपामुळे म्यानमार शेजारील थायलंडमध्येही मोठे नुकसान झाले होते. अधिक महिती येथे, येथे व येथे वाचू शकता.

मूळ पोस्ट – हाँगकाँग 01 न्यूज

निष्कर्ष

यावरुन सिद्ध होते की, व्हायरल व्हिडिओ रशियातील नाही. हा भूकंप 4 महिन्यांपूर्वी म्यानमारमध्ये आला होता. भ्रामक दाव्यासह जुना व्हिडिओ व्हायरल होत आहे.

(तुमच्याकडेदेखील काही संशयास्पद मेसेज, पोस्ट, फोटो, व्हिडिओ किंवा बातम्या असतील तर फॅक्ट चेक करून घेण्यासाठी त्या आमच्या व्हॉटसअॅप फॅक्टलाईन क्रमांकवर (9049053770)  पाठवा. लेटेस्ट फॅक्ट चेक वाचण्यासाठी फॅक्ट क्रेसेंडोला फेसबुक, इन्स्टाग्राम व ट्विटर येथे फॉलो करा.)