पाकिस्तानमध्ये हिंदू नववधूचे अपहरण झाल्याचा व्हायरल व्हिडिओ स्क्रिप्टेड आहे

सोशल मीडियावर एक व्हिडिओ व्हायरल होत आहे, ज्यामध्ये एका महिलेचे अपहरण होताना दाखवले आहे. या व्हिडिओसोबत दावा केला जात आहे की पाकिस्तानमध्ये एका नवविवाहित हिंदू महिलेचे भरदिवसा अपहरण करण्यात आले. 

व्हिडिओसोबत काही युजर्सनी लिहिले की, पाकिस्तामध्ये हिंदू नववधू आपल्या पतीसोबत सासरी जात असताना मुस्लिमांनी तिचे अपहरण केले.

फेसबुक

फॅक्ट चेक

रिव्हर्स इमेज सर्चमध्ये हा व्हिडिओ 21 नोव्हेंबर 2025 रोजी ‘Rauf TV7’ नावाच्या पाकिस्तानी इन्स्टाग्राम हँडलवर अपलोड केलेला आढळला.

त्या पोस्टमध्ये स्पष्टपणे डिस्क्लेमर देण्यात आला आहे की हा एका शॉर्ट फिल्मचा सीन आहे. कॅप्शनमध्येही तो एक लघुपटाचा भाग असल्याचे नमूद केले आहे.

https://www.instagram.com/rauf_tv7/reel/DRTh-eqgoFb

पुढील तपासात आम्ही Rauf TV च्या इन्स्टाग्राम आणि फेसबुक पेजेस पाहिले. पेजच्या वर्णनात हे एक डिजिटल प्लॅटफॉर्म असल्याचे नमूद आहे, जे भावनिक कौटुंबिक कथा असलेले लघु व्हिडिओ तयार करते. यावरून हा व्हिडिओ काल्पनिक असल्याचे स्पष्ट होते.

या पेजवर असे अनेक स्क्रिप्टेड व्हिडिओ अपलोड केलेले दिसतात. व्हायरल क्लिपमधील काही पात्रे इतर व्हिडिओंमध्येही दिसून येतात, ज्यामुळे हा व्हिडिओ वास्तविक घटना नसल्याचे स्पष्ट होते.

https://www.instagram.com/reel/DSKp_tKkv5q

तपासादरम्यान आम्हाला पाकिस्तानी फॅक्ट-चेकिंग संस्था ‘सोच फॅक्ट चेक’ यांची पोस्टही मिळाली. त्यांनी डिसेंबर 2025 मध्ये Rauf TV टीमशी संपर्क साधला होता. त्यांच्या स्पष्टीकरणानुसार हा व्हिडिओ पूर्णपणे स्क्रिप्टेड असल्याचे त्यांनी मान्य केले आहे.

याशिवाय, पाकिस्तानमध्ये अशा प्रकारची कोणतीही वास्तविक घटना घडल्याची विश्वासार्ह बातमी आढळली नाही.

निष्कर्ष

तपासातून स्पष्ट होते की पाकिस्तानमध्ये हिंदू नववधूचे अपहरण झाल्याचा व्हायरल व्हिडिओ खरा नाही. हा व्हिडिओ केवळ मनोरंजनासाठी तयार केलेला स्क्रिप्टेड कंटेंट आहे. त्यामुळे व्हायरल दावा खोटा आणि दिशाभूल करणारा आहे.