‘यूपीमध्ये भाजप सरकार आल्यास गुंडांचे राज्य येईल’ असे नरेंद्र मोदी म्हणाले नाहीच; वाचा सत्य

सध्या सोशल मीडिवर एक व्हिडिओ व्हायरल होत आहे, ज्यामध्ये पंतप्रधान नरेंद्र मोदी आपल्याच पक्षाला घरचा आहेर देताना म्हणतात की, “उत्तर प्रदेशमध्ये भाजप सरकार सत्तेत आल्यास दंगली, माफीया आणि गुंडांचे राज्य येईल.”

फॅक्ट क्रेसेंडोच्या वाचकांनी हा व्हिडिओ आमच्या व्हॉटसअॅप फॅक्टलाईन क्रमांकवर (9049053770) पाठवून फॅक्ट-चेक करण्याची विनंती केली.

पडताळणीअंती कळाले की, व्हायरल व्हिडिओ अर्धवट आहे. 

काय आहे दाव ?

हा व्हिडिओ शेअर कारताना युजर्स कॅप्शनमध्ये लिहिले की, “शेवटी नरेंद्र मोदींनी स्वतःच मान्य केलं की, भाजप सरकार येणे म्हणजे दंगली, माफीया आणि गुंडांचे राज्य येईल.”

मूळ पोस्ट – फेसबुक | आर्काइव्ह

तथ्य पडताळणी

रिव्हर्स इमेज सर्च केल्यावर कळाले की, व्हायरल व्हिडिओ उत्तर प्रदेशच्या सीतापूर शहरात 16 फेब्रुवारी 2022 रोजी पारपडलेल्या सभेचा आहे.

यामध्ये पंतप्रधान नरेंद्र मोदी उत्तर प्रदेशच्या मतदारांना भाजप सरकारला विक्रमी विजय मिळून देण्यासाठी आवाहन केले होते.

हा व्हिडिओ नरेंद्र मोदीच्या अधिकृत युट्यूब चॅनलवर आपण संपूर्ण भाषण पाहू शकतात.

वरील भाषण पाहिल्यावर कळते की, व्हिडिओमध्ये कुठे ही नरेंद्र मोदींनी “भाजप सरकार दंगली, माफीया आणि गुंडांचे राज्यला समर्थन देते,” असे म्हटले नाही.

मूळ व्हिडिओमध्ये नरेंद्र मोदी म्हणतात की, “आपण सगळ्यांना एकत्र येऊन भाजपला विक्रमी विजय मिळवून द्यायचा आहे. मागच्या वेळीपेक्षा जास्त संख्येने भाजपचे उमेदवार निवडून देऊन आपण आपलाच विक्रम मोडला पाहिजे.”

पुढे ते म्हणतात, “उत्तर प्रदेशमध्ये भाजप सरकार सत्तेवर येणे म्हणजे दंगली, माफियांचे व गुंडांवर नियंत्रण. उत्तर प्रदेशमध्ये भाजप सरकार म्हणजे एका चांगल्या पर्वाची सुरूवात.”

सदरील वक्तव्य आपण येथे पाहू शकतात.

खालील तुलनात्मक व्हिडिओ पाहिल्यावर आपल्या लक्षात येईल की, मूळ व्हिडिओला एडिट करून अर्धवट वाक्य पसरविले जात आहे.

निष्कर्ष

यावरुन स्पष्ट होते की, व्हायरल व्हिडिओ अर्धवट आहे. मूळ व्हिडिओमध्ये पंतप्रधान नरेंद्र मोदी म्हणाले की, “उत्तर प्रदेशमध्ये भाजप सरकार सत्तेवर येणे म्हणजे दंगली, माफियांचे व गुंडांवर नियंत्रण.” खोट्या दाव्यासह व्हिडिओ व्हायरल होत आहे.

(तुमच्याकडेदेखील काही संशयास्पद मेसेज, पोस्ट, फोटो, व्हिडिओ किंवा बातम्या असतील तर फॅक्ट चेक करून घेण्यासाठी त्या आमच्या व्हॉटसअॅप फॅक्टलाईन क्रमांकवर (9049053770)  पाठवा. लेटेस्ट फॅक्ट चेक वाचण्यासाठी फॅक्ट क्रेसेंडोला फेसबुक, इन्स्टाग्राम व ट्विटर येथे फॉलो करा.)