बलुचिस्तानमधील लोकनृत्याचा व्हिडिओ ऑपरेशन सिंदूरच्या यशाचा आनंद म्हणून व्हायरल

पहलगामवरील हल्ल्याचे प्रत्युत्तर म्हणून भारतीय लष्कराने पाकिस्तानस्थित दहशतवाद्यांच्या ठिकानांवर ऑपरेशन सिंदूरच्या माध्यमातून हवाई हल्ले केले होते. या पार्श्वभूमीवर एका व्हिडिओ व्हायरल होत आहे, ज्यामध्ये लोक नाचताना दिसतात. 

दावा केला जात आहे की, “ऑपरेशन सिंदूर यशस्वी झाल्यानंतर बलुचिस्तानमधील लोकांनी नाचत आनंद व्यक्त केला.”

फॅक्ट क्रेसेंडोच्या वाचकांनी हा व्हिडिओ आमच्या व्हॉटसअॅप फॅक्टलाईन क्रमांकावर (9049053770) पाठवून फॅक्ट-चेक करण्याची विनंती केली.

पडताळणीअंती कळाले की, व्हायरल व्हिडिओ भारत – पाकमध्ये सुरु असलेल्या संधर्षाशी संबंधित नाही.

काय आहे दावा ?

व्हायरल व्हिडिओमध्ये रांगेत नाचताना दिसतात.

साम टीव्हीने आपल्या अधिकृत फेसबुक पेजवर व्हायरल व्हिडिओ शेअर करत कॅप्शनमध्ये लिहिले की, “भारताचं पाकिस्तानात Operation Sindoor; बलुचिस्तानमध्ये आनंद साजरा.”

मूळ पोस्ट – फेसबुक | आर्काइव्ह

तसेच झी 24 तासने अधिकृत फेसबुक पेजवर व्हायरल व्हिडिओ शेअर करत बातमी दिली की, “ऑपरेशन सिंदूरनंतर बलुचिस्तानमध्ये आनंद साजरा करण्यात आला.”

मूळ पोस्ट – फेसबुक | आर्काइव्ह

तथ्य पडताळणी

रिव्हर्स इमेज सर्च केल्यावर व्हायरल व्हिडिओसोबत केलेला दावा खोटा आढळला.

ए के स्टूडियो नामक फेसबुक पेजने हाच व्हिडिओ 15 एप्रिल 2024 रोजी शेअर केला होता. कॅप्शनमध्ये लिहिले होते की, “बलुची लेवा बलोची नृत्य.”

बलुची लेवा नृत्य हे बलुचिस्तानमधील लोकांद्वारे सादर केले जाणारे एक विशेष नृत्य आहे.

अधिक सर्च केल्यावर सदरील गटाचा बलुची लेवा नृत्य करतानाचा व्हिडिओ युट्यूबवर अपलोड केल्याचे आढळले.

अर्थात व्हायरल व्हिडिओ भारत – पाकमध्ये सध्या सुरु असलेल्या संधर्षाच्या आधिपासून सोशल मीडियावर उपलब्ध आहे.

निष्कर्ष

यावरुन सिद्ध होते की, व्हायरल व्हिडिओ भारत – पाकमध्ये सुरु असलेल्या संधर्षाशी संबंधित नाही. मुळात हा व्हिडिओ 2024 पासून सोशल मीडियावर उपलब्ध असून यामध्ये बलुचिस्तानमधील लोकांद्वारे लोक नृत्य सादर करत होते. खोट्या दाव्यासह हा व्हिडिओ व्हायरल होत आहे.

(तुमच्याकडेदेखील काही संशयास्पद मेसेज, पोस्ट, फोटो, व्हिडिओ किंवा बातम्या असतील तर फॅक्ट चेक करून घेण्यासाठी त्या आमच्या व्हॉटसअॅप फॅक्टलाईन क्रमांकवर (9049053770)  पाठवा. लेटेस्ट फॅक्ट चेक वाचण्यासाठी फॅक्ट क्रेसेंडोला फेसबुक, इन्स्टाग्राम व ट्विटर येथे फॉलो करा.)