महाराष्ट्रात मराठी आणि अमराठी लोकांचा भाषेवरील वाद काही जुना नाही. याच पार्श्वभूमीवर काही लोक ‘मला मराठी येत नाही. कृपया आम्हाला देशद्रोही म्हणू नका’ असे बॅनर हातात घेतलेले दिसतात.
दावा केला जात आहे की, महाराष्ट्रात काही लोकांनी ‘मला मराठी येत नाही. कृपया आम्हाला देशद्रोही म्हणू नका’ असे बॅनर हातात घेत आपला निषेध व्यक्त केला.
फॅक्ट क्रेसेंडोच्या वाचकांनी हा व्हिडिओ आमच्या व्हॉटसअॅप फॅक्टलाईन क्रमांकवर (9049053770) पाठवून फॅक्ट-चेक करण्याची विनंती केली.
पडताळणीअंती कळाले की, व्हायरल व्हिडिओ ‘एआय’द्वारे तयार करण्यात आला आहे.
काय आहे दावा ?
व्हायरल व्हिडिओमध्ये कोही लोक ‘मला मराठी येत नाही. कृपया आम्हाला देशद्रोही म्हणू नका.’ असे बॅनर हातात घेतात घेतलेले दिसतात.
युजर्स हा व्हिडिओ शेअर करताना कॅप्शनमध्ये लिहितात की, “आज i dont speak marathi चे बॅनर घेऊन मराठीला विरोध करणारे रस्त्यावर दिसलें ते पण महाराष्ट्रात.”
मूळ पोस्ट – फेसबुक | आर्काइव्ह
तथ्य पडताळणी
सर्वप्रथम महाराष्ट्रमध्ये लोकांनी असे बॅनर हतात घेत निषेध केला असता तर ही मोठी बातमी ठरली असती. परंतु, माध्यमांवर अशी कोणीही बातमी आढळत नाही.
पुढे रिव्हर्स इमेज सर्च केल्यावर कळाले की, व्हायरल होत असलेला व्हिडिओ खरा नाही.
परिभ्रमण नामक युजरने हाच व्हिडिओ 9 एप्रिल रोजी इंस्टग्रामवर शेअर केला होता.
कॅप्शनमध्ये हा व्हिडिओ एआय द्वारे तयार करण्यात आल्याचे सांगितले आहे.
मूळ पोस्ट – इंस्टग्राम | आर्काइव्ह
सदरील अकाउंटची माहिती घेतल्यावर कळाले की, युजरने या पेजवर एआय द्वारे तयार केलेले अनेक व्हिडिओ शेअर केले आहेत.
निष्कर्ष
यावरुन सिद्ध होते की, व्हायरल व्हिडिओ खरा नसून एआय द्वारे तयार केला आहे. महाराष्ट्रात लोकांनी लोकांनी ‘मला मराठी येत नाही. कृपया आम्हाला देशद्रोही म्हणू नका.’ असे बॅनर हातात घेत निषेध मोर्चा काढला नाही. खोट्या दाव्यासह एआय व्हिडिओ खरा म्हणून शेअर केला जात आहे.
(तुमच्याकडेदेखील काही संशयास्पद मेसेज, पोस्ट, फोटो, व्हिडिओ किंवा बातम्या असतील तर फॅक्ट-चेक करून घेण्यासाठी त्या आमच्या व्हॉटसअॅप फॅक्टलाईन क्रमांकवर (9049053770) पाठवा. लेटेस्ट फॅक्ट-चेक वाचण्यासाठी फॅक्ट क्रेसेंडोला फेसबुक, इन्स्टाग्राम व ट्विटर येथे फॉलो करा.)
Title:‘मला मराठी बोलता येत नाही’ असे बॅनर लोकांनी घेतलेल्याचा एआय व्हिडिओ खरा म्हणून व्हायरल
Fact Check By: SAGAR RAWATEResult: False
