व्हायरल व्हिडिओ SIR नंतर पश्चिम बंगालमधील बेकायदेशीर पळून जाणाऱ्या स्थलांतरित आहे का ? वाचा सत्य

मुख्य निवडणूक आयुक्त ज्ञानेश कुमार यांनी 27 ऑक्टोबर रोजी सांगितले की, पश्चिम बंगालसह 12 राज्ये आणि केंद्रशासित प्रदेशांमध्ये मतदार याद्यांचे ‘विशेष सघन पुनरावलोकन’ (एस.आय.आर) होणार आहे. या घोषणेनंतर बीएसएफ अधिकाऱ्यांनी माध्यमांना माहिती दिली की, पश्चिम बंगालमध्ये विशेष सघन सुधारणाची घोषणा झाल्यानंतर, अनेक अवैध स्थलांतरित बांगलादेशी भारतातून बाहेर पळण्याचा प्रयत्न करताना पकडले गेले.

याच पार्श्वभूमीवर बोटीतून नदी ओलांडण्याचा प्रयत्न करणाऱ्या जमावाचा व्हिडिओ सोशल मीडियावर व्हायरल होत आहे. 

दावा केला जात आहे की, एसआयआर लागू करणाऱ्या राज्यांमधून घुसखोर आणि बेकायदेशीर स्थलांतरितांना त्यांच्या संबंधित देशात परत पाठवले जात आहे.

फॅक्ट क्रेसेंडोच्या वाचकांनी हा व्हिडिओ आमच्या व्हॉटसअॅप फॅक्टलाईन क्रमांकवर (9049053770)  पाठवून फॅक्ट-चेक करण्याची विनंती केली.

पडताळणीअंती कळाले की, व्हायरल व्हिडिओ पश्चिम बंगालचा नसून बांगलादेशातील बागेरहाट जिल्ह्यातील मोंगला फेरी घाटाचा आहे. 

काय आहे दावा ?

व्हायरल व्हिडिओमध्ये बोटीमधून नदी ओलांडणाऱ्या जमाव दिसतो. 

व्हिडिओच्या ग्राफिकमध्ये लिहिले आहे की, “नरेंद्र मोदींनी बंगालमध्ये SIR लागू करताच बांग्लादेशात पळून जाणारे बांगलादेशी! विचार करा ममता आणि काँग्रेसने मतांसाठी किती लोक घुसवलेत!”

युजर्स हा व्हिडिओ शेअर करताना कॅप्शनमध्ये लिहितात की, “काँग्रेस SIR ला का विरोध करत होती समजलं का?”

मूळ पोस्ट – फेसबुक | आर्काइव्ह

तथ्य पडताळणी

रिव्हर्स इमेज सर्च केल्यावर कळाले की, व्हायरल व्हिडिओ पश्चिम बंगाल नाही तर बांगलादेशचा आहे.

चालोना प्रतिदिन नामक पेजने हाच व्हिडिओ 1 ऑक्टोबर रोजी फेसबुकवर शेअर केल्याचे आढळले. व्हिडिओच्या कॅप्शनमध्ये लिहिले होते की, हे ठिकाण ‘मोंगला फेरी टर्मिनल’ आहे.

एका बांगलादेशी व्लॉगरने या ठिकाणाचा व्हिडिओ ब्लॉग युट्यूबवर पोस्ट केल्याचे आढळले. मोंगला हा बांगलादेशातील खुलना विभागातील बागेरहाट जिल्ह्यातील एक उपजिल्हा आहे.

खालील तुलनात्म फोटो पाहिल्यावर आपल्या लक्षात येईल की, व्हायरल व्हिडिओ आणि व्लॉगमध्ये पर्वत एकाच स्थानाचे आहे.

निष्कर्ष 

यावरुन सिद्ध होते की, व्हायरल व्हिडिओ पश्चिम बंगालचा नसून बांगलादेशातील बागेरहाट जिल्ह्यातील मोंगला फेरी घाटाचा आहे. भ्रामक दाव्यासह हा व्हिडिओ व्हायरल होत आहे.

(तुमच्याकडेदेखील काही संशयास्पद मेसेज, पोस्ट, फोटो, व्हिडिओ किंवा बातम्या असतील तर फॅक्ट-चेक करून घेण्यासाठी त्या आमच्या  व्हॉटसअॅप फॅक्टलाईन क्रमांकवर (9049053770) पाठवा. लेटेस्ट फॅक्ट-चेक वाचण्यासाठी फॅक्ट क्रेसेंडोला  फेसबुक, इन्स्टाग्राम व ट्विटर येथे फॉलो करा.)